Sasateikam ar dzejnīku i atdzejuotuoju Eināru Pelšu. Nupat dzejnīkam izguojus pīktuo dzejis gruomota “Condom”, tū autors publiciejs ar pseidonimu Demon. Eināra dzeja ni kotram varātu byut saprūtama i pīnemama, sovuos radūšajuos izpausmēs jis izmantoj avangarda izteiksmis leidzekļus i spielejās ar digitalū kulturu, tekstim i grafiskajim simbolim. Pots dzejnīks soka, ka juo dzeja asūt izaicynūša i huliganiska – tī pasaruoda ari pa kaidam stypruokam vuordam.

Einārs ir cīši nūvārtāts atdzejuotuojs, nu krīvu volūdys latviski puorlics Nikolaja Gumiļova, Igora Severjanina, Mihaila Kuzmina i cytu autoru dorbus, latviski atdzejuojs ari burjatu autoru dzeju.

Einārs Pelšs vaira zynoms Reigys publikai, Latgolā jū pazeist mzuok, sovai radūšajai darbeibai Einārs nūsadevs Preiļūs. Pi dzejnīka i atdzejuotuoja gasteja Vineta Vilcāne.

Raidejuma suokumā rubrikā “Kolnasātys gruomotplaukts” literarts Oskars Orlovs aba Raibīs kūpā ar raidejuma producenti Vinetu Vilcāni atsavēr iz 2017. godā izdūtajom latgalīšu gruomotom, skaņ ari ryndys nu Raibuo jaunuos dzejis gruomotys “PISTACEJIS”.