20. oktobrī apritēje pīci godi kai Latvejis Radejis eterā skaņ latgaliskais raidejums "Kolnasāta".

Kai jau svātku reizēs īrosts, bez gostim i jautrom sarunom nikur. Studejā asam aicynuojušs četrus myusu draugus, Latgolā i Latvejā zynomus cylvākus. Gostūs muzikis Normunds Zušs, sabīdriski aktiva latgalīte Edeite Husare, sportiste Gunta Latiševa-Čudare i jaunais muzikis Mārteņš Strods. Kūpā ar jim izspēlēsim izzynūšu spēli par Latgolu. Kas beja gostūs pyrmajā "Kolnasātys" raidejumā, kurs ir solom bogotuokais azars Latvejā, kaids dzeivnīks attāluots Varakļuonu gierbūnī? Iz itim i cytim vaicuojumim atbiļdis meklēs raidejuma gosti. Sarunys gaitā raudzeisim dazynuot, kas jauns myusu gostim.