17. decembrī literatam Pīteram Jurciņam palyktu 85. Policists ar dzejnīka dvēseli, tai varātu raksturuot Pīteri Jurciņu. Daudzu cylvāku atmiņā palics ar dzīsmi “Vālodzīte”, kurai sarakstejs gon vuordus, gon melodeju. Pīters Jurciņš leidzuos jau ari myužeibā aizguojušajam Andram Viejānam i Ontonam Kūkuojam ir dzejnīks, kuru zyna na tikai Latgolā, nu vysā Latvejā. Sovuos atmiņuos par Pīteri doluos Nautrānu vydškolys direktore Anita Ludborža i Latvejis Radejis producente Alda Briede. Raidejumā izskaņ gon "Vālodzīte", gon poša Pītera Jurciņa skaiteituo dzeja.

Viestejam par jaunumim latgalīšu literaturā - latgaliski izdūta Kārļa Skalbis puorsoka "Kačeiša patmalis". Sovu rūku pi gruomotys izdūšonys dalykuse ilggadeja žurnala "Katōļu Dzeive" redaktore Maruta Latkovska, ilustracejis veiduojuse muokslineica Īva Jurjāne. Par jaunū gruomotu stuosta Laura Sondore-Strode.