"Kolnasātā" īpazeistam teatra dzeivi Latgolā. Ite ir virkne amatirteatru, kurūs spieliešona ir kai hobejs, breivuo laika pavadeišonys veids. Ir Daugovpiļs teatris, kura izruodis roda profesionali aktiri i rodūšuo komanda. Sovpus nu 2016. goda rudiņa Rēzeknis teatrī “Joriks” dorbojās profesionala latvīšu akteru teatra trupa. Itymā vokorā saruna par i ap “Joriku” i tuo profesionalū trupu. Gostūs akters Kārlis Tols i teatra marketinga i sabiedriskū attīceibu specialiste Iveta Graudiņa.

Atsaveram viesturē, 1920. goda nūtikšonuos Latgolā Naatkareibys kara laikā, par tom stuosta Vineta Vilcāne.

Turpynojam aizsuoktū literaturkritikys rubriku "Kolnasātys gruomotplaukts", tymā literats Oskars Orlovs aba Raibīs stuosta par latgalīšu trymdys literaturu.