Itūšaļt nūvāruotais elektroenergejis i gāzis cenu pīaugums, kai ari ar tū saisteitais syltumenergejis cenys pīaugums kai uzjāmumūs, tai saimisteibuos nagativi ītekmej i īdzeivuotuoju moksuotspieju, i uzjāmuma konkurētspieju. Nu naasūt pamata runuot par energetikys krīzi vaļsts energoapguodis sistemā, koč i problema ir globalais elektroenergejis i gāzis cenu pīaugums i ar tū saisteitais syltumenergejis cenys pīaugums, kas atseviškuos pošvaļdeibuos ir vysā lels i jiutams. Latgolā eipaši tū izjiut Daugovpiļs piļsāta, kur syltumenergejis pīaugums tiuleņ byus vaira nakai iz pusi leluoks. Deļkuo leluokuos problemys skuoruošys taišni Daugovpili, kū dareit i kai saiminīkuot tai, kab iz prīšku nu itaidu krīžu maksimali izavaireitu, par tū itūreiz raidejumā diskutejam ar Daugovpiļs piļsātys pošvaļdeibys vadeituoju Andreju Elksniņu (Saskaņa), Daugovpiļs piļsātys dūmis deputatu Pēteri Dzalbi (Daugovpiļs nūvoda parteja), Latvejis Pošvaļdeibu savīneibys padūmnīku energetikys vaicuojumūs Andri Akermani, Latvejis syltumuzjāmumu asociacejis prezidenti Inu Bērziņu-Veitu i Ekonomikys ministrejis parlamentarū sekretari Ilzi Indriksoni.