Sirsneigs paļdis raidejuma veiduotuojim i sarunys daleibnīkim Ilonai Salcevičai i Pīteram Luočam. Dūmoju, ka tai etnocentristu izceļsmei beja sovs pamats. Te ir leidzeiga viesture kai F.Trasuna i F.Kempa suokūtneji atškireigajim redzīnim, a viesture vysus salīk pa sovom vītom i sakuortoj pa sovim plauktenim. I niu mes gudri asam runuot, kai byutu bejs, ka...Mums jau gryuši saprast, kaidys pyulis beja juopīlīk tim cylvākim, kas drukuoja i raksteja trymdā. Tys ni tyvu nabeja jūs maizis dorbs.Varu viņ atstuosteit kulturviesturnīka Mikeļa Bukša atraitnis Janinys k-dzis, jau atmūdys laikā gastejūt Viļānūs, maņ saceitūs vuordus: Lai kai mīļuoju sovu veiru i puordzeivuoju par juo prīšklaiceigū aizīšonu myužeibā, vystik labi, ka jis naatbrauce iz Latgolu i naredzēja pošu latgalīšu vāsū attīksmi pret sovu kulturviesturi, kura, es saprūtu, rodusēs tuos nazynuošonys rezultatā.