Ītūreiz “Kolnasātā” stuosteisim par latgalīšu sadzeivis dzīšmu ansambli “Olūteņš”, kas Reigā aktivi dorbojās jau vaira nikai 30 godu. Kaidā nu mieginuojumu sasateikam ar ansambļa vadeituoju Rasmu Mežali, dalineicom Ainu Ašginu i Moniku Puriņu.

 

***

Sovpus Ausma Sprukte sasatyka ar Vladislava Luoča latgalīšu rakstnīceibys muzeja saiminīku i privatkolekcejis uzturātuoju Pīteri Luoci, kurš ir izcyluo latgalīšu gruomotu izdevieja Vladislava Luoča bruoļa dāls. Itei kolekceja nazkod atsaroduse Rēzeknis nūvoda Piļcinē, nu jau ilguoku laiku Rēzeknē, Kruoslovys īlā, kur niu tai tūp jauna āka.

 

***

Gruomotplauktā itūreiz Ligija Purinaša stuosteis par Inetys Atpilis-Juganis jaunuokū gruomotu “Lobuo i nalobuo” (2019).