Ityūreiz asam nūbraukuši iz Preilim, kur sasarunojam ar Latgalīšu kulturys goda bolvys “Boņuks 2022” myuža bolvys sajiemieju fotomuokslinīku, fotoviesturnīku, Latgolys fotografu bīdreibys dybynuošonys iniciatoru i prīšksādātuoju Igoru Pliču.


Jis ir fundamentaluos gruomotys “Latgales fotogrāfi laika ritumā XIX—XXI gadsimtā” (2021) idejis i koncepta autors. Gruomotā ir apkūpuota informaceja par vaira nakai 344 Latgolā struodojūšim fotografim, puori par 2000 fotografejis nu 1858. gods leidz pat myusu dīnom. Latgola ir vīneigais Latvejis nūvods, par kuru izguojs itaids enciklopediskys vuokums.