Raidejuma"Kolnasāta" rubrikā “Bosom kuojom” itūreiz kūpā ar geografu i ceļuotuoju Ivaru Matisovu dūsimēs iz pasauļa latgaliskuokū upi, kas juoredzīnī ir Dubna.  Pa Dubnu jis laivoj jau deveitū reizi. "Pyrmais braucīņs beja 1999.godā, i tod es parosti raudzeju ik pa treis, četri godi jū izbraukt vēlreiz. Taida reize gon nav bejuse, ka es izbrauktu jū vysu vīnā pīguojīnī, vysus 120 kilometrus. Pa gabalenim gon ir izbraukta vysa. Cīši interesanti vāruot ari sātys, kaidys kuram laipys, gunkura vīta. Cyts rakurss."

Atkluojam ari Dubnys upis nūsaukuma stuostu. "Padūmu laikā tyka raudzeits skaidruot, ka upis nūsaukums īt nu krīvu volūdys vuorda  'dub' (дуб - ltg. ūzuls). Vys tik eistynuoka ir verseja, ka tys ir baltu izceļsmis vuords. Leidzeigi lītuvīšu volūdā sauc dziļu vītu, bedri. Kas vēļ interesanti -

na tikai Latvejā ir cīms Dubna, bet ari Krīvejā pi Moskovys ir lela piļsāta Dubna. Kai ari Krīvejā ir vysmoz pīcys upis ar itaidu nūsaukumu," tai I.Matisovs.