Muorteņš aba Kozmens, Oskars, Jurs i Juoņs Kozlovski ir bruoli, kas, kai poši soka, sasateik reizi nedeļā. Jī ar lobu humoru prīcynoj sevi i cytus sovā improvizacejis šovā „Četri bruoli”. Tok niu vysi četri jī kuops iz Latgolys viestnīceibā “Gors” skotivis, kab vadeit Latgalīšu kulturys goda bolvys “Boņuks 2023” ceremoneju.

Eisi pyrma pasuokuma nūpītni nanūpītna saruna par humoru i latgalīšu volūdu ar četrim bruolim, kurūs saknis meklejamys Latgolā, tagadejuo Bolvu nūvoda apleicīnē.

„Latgalīšim ruodeisīs, ka narunojam latgaliski, a čyulim ruodeisīs, ka runojam latgaliski.”