Koč ari maskuošonuos tradiceja Latvejā īrosta nu Mārteņu da Aizgavieņa (Meteņu), Latgolā čyguonūs īrosts īt laikā storp Zīmyssvātkim i Jaunū godu. Nazkod itei tradiceja beja dzeiva gondreiž kotrā mīstā, niu sastūpama reši kurā saimē ci folklorys kūpā. Aiz tuo itūreiz gastejom Upītē pi Slišānu saimis, kur kūpā ar Andri, Ligitu i jūs bārnim, Andra muosu Mārīti Slišāni i juos bārnim runuosim par čyguonūs īšonys tradiceju jūs dzymtā i saimēs, kur čyguonūs jau daudzi godu īt leli i mozi. Sarunā pīsadola ari Slišānu saimis gosti, vīna nu spylgtuokūs lībīšu puorstuovu Latvejā Julgī Stalte kūpā ar meitom. Runuosim par maskom i tūs nūzeimi, dzīsmem, kuriozim i tū, kaidys izdareibys īplānuot i kaidus gordumus likt ‘boda kulē’, īmūt čyguonūs.