Daugovpilī itamā vosorā tyka fiļmāts pyrmais serials latgaliski – komedeja ar kriminalim elementim četruos serejuos "Fati". Jau pavysam dreiži, decembrī, tys byus daīmams ari skateituojim – Latvejis Televizejis 1 kanalā, kai ari TET televizejā.

Kab dazynuotu vaira par serialu i tuo tapšonys procesu, asam pasaukuši iz sarunu seriala idejis autoru, muziki i viesturnīku Arni Slobožaninu, Daugovpiļs teatra akteri i seriala režisoru Vadimu Bogdanovu, Daugovpiļs teatra aktrisi i seriala izpyldproducenti Kristīni Veinšteinu, kai arī vīnu nu golvonūs akteru Ritvaru Gailumu, kurs ari kasdīnā ir Daugovpiļs teatra akters.


Seriala idejis autors ir Arņs Slobožanins, kurs pats izsver, ka byuteibā idejis autori ir treis cylvāki – jis pats, mecenats i seriala golvonais atbaļsteituojs Pīters Ragaušs i niulejais seriala režisors Vadims Bogdanovs.