Saruna ar dirigentu i muzykys pedagogu Juoni Veličko. Juoņs ir dzims i audzs Daugovpiļs pusē, tod ilguoku laiku vuicejīs i struoduojs Reigā, bet nu jau kaidu šaļti par sovu sātu sauc Rēzeknis pusi. Niu jau puora godu jis ar saimi dzeivoj Rēzeknis nūvoda Drycānu pogostā. Kasdīnā  struodoj vītejā školā par myzykys pedagogu, taipat vuica bārnus ari Rēzeknis piļsātys suokumškolā i J. Ivanova muzykys vydsškolā, voda sīvīšu vokalū ansambli „Almus” i zānu kori, kai ari ir vītejuos bazneicys varganists.


„Ite ir cīši labesteigi kolegi. Vyss ite ir blokus, lauku vide, sāta, pogolms. Tys ir tys, kas vajadzeiga bārnim. Tys, kas maņ ir vajadzeigs, piec dorba pastruoduot koč kaidu fizisku dorbu. Tys ir tys, kas maņ beja vajadzeigs i dzeivojūt dzeivūklī, Reigā es tū navarieju izdareit. Tik pakuortuots ite vyss. Es asu puorlaimeigs.”