Dzīšmu stuostu rubrikā raidejuma vadeituojs, muzikis i muzykys pedagogs Ēriks Zeps kūpā ar latgaliskūs projektu aktivū vierzeituoju, dzīšmu kruojuma “Muna dzīšmu gruomota” sastateituoju Edeiti Husari itūreiz atkluos dzīsmis “Vuolyudzeite” stuostu.

“Vuolyudzeite” ir dzīsme, kurū zyna i dzīd gon latvīšu literarajā, gon latgalīšu volūdā. Dzīsmis vuordu i melodejis autors  ir dzejnīks Pīters Jurciņš, kura dzymtuo puse ir tepat, Rēzeknes nūvodā - Rogovkā.

Dzīsmis suokums vaicojams 20. godus symta 70. godūs. 1974. godā avīzē “Padomju Jaunatne” ir publicāts Jurciņa dzejūļs “Dzimtajā malā”, kuru tod niu vysi mes zinim kai “Vuolyudzeiti”.

“Vuolyudzeiti” pats Pīters asūt dzīduojs i spieļuojs iz garmanis, dreiži tei tykuse cīši meila tautā, nu ir vairuoki punkti, kas tū padarejuši tik popularu i tautā īmeiļuotu, cik tei ir. Kaba dazynuotu kaidi, klausitēs ituos dzīsmis stuostu.