Ar etnomuziki Birutu Ūzuleņu (Ozoliņa) runuojam par juos ceļu etnomuzykā, latgaliskū  kasdīnā i rodūšajuos izpausmēs. Taipat ari par latgalīšu muzyku, tautysdzīsmem i folkloru šudiņ i iz prīšku, daudzajim muzikalim projektim, kurūs jai ir bejuse vareiba byut kluotasūšai.

"Tei nav dzīduošona, tei ir muna taida muzykys dūmuošona, kas baļsteita munuos tautys myzykys saknēs," tai Biruta Ūzuleņa.

"Myzykys sagataveišona maņ ir paleidziejuse īraudzeit tuos svareiguos lītys, tuos lītys, kas ir duorgys, kurys vādzātu koč kai paveiduot i paleidzēt jom turpynuot sovu ceļu. Gols golā, kas beja tī cylvāki, kas nazkod dzīduoja tautysdzīsmis? Na jau tī, kas cīši dūmuoja tymā breidī par muzykys atteisteibu. Nā. Tei beja dzeive."
 
Biruta izsver, ka myzykai nav volūdys i rūbežu, ir svareiga nūskaņa, kū tei tev roda. Te gon cīši nu svora ir taišni izpiļdejums.

"Muzyka navys nūlaseita nu notu, pīrakstieta ci nūlaseita kai gruomotā vuords. Muzyka ir tys, kū cylvāks izdzīd i nūdūd ar sovu intonaceju, attīksmi itai tuoļuok. Tū vysu var nūlaseit. Pat vuordus navajag."