Par dorbu pi Latvejis Nacionaluos enciklopedejis papyldynuošonys ar treju Latgolys piļsātu stuostim, par Latgolys geografiskū ainovu, vītom, kurys juoredz, par „drūsajim” i „nadrūšajim” lauku celim, par dzymtajim Viļānim sasarunojam ar geografu, viesturis pietnīku i vysod ceļā asūšū Ivaru Matisovu.

„Es struodoju praktiski vysu laiku, maņ nav breivu dīnu, maņ nav pat breivu stuņžu. Vysu sovu laiku es īguldu pasauļa īpazeišonā i apdūmuošonā. Varātum saceit, ka es turu rūku iz planetys puļsa. Napuortraukti.”

Niu Ivars gatavej Latvejis Nacionalajai enciklopedejai škierkļus par trejom Latgolys piļsātom – dzymtajim Viļānim, sābru piļsātu Varakļuonim i ilggadejū dzeivisvītu Rēzekni.