Pyma kaida laika Laura Sondore beja nūbraukuse iz Kuorsovys pusi, kaba sasatyktu ar zeimyna “Bencha muude” radeituoju, šivieju i dizaineri Gunitu Mūrnieci-Krišāni. Teņuok, pošā Krīvejis pīrūbežā, Kuorsovys nūvoda Ūtrajūs Mežvydūs jau divejus godus tūp unikala dizaina, ekologiskys drēbis bārnim, pa laikam ari jūs vacuokim. Gunita ir mama četrim bārnim, i vys spiej atrast leidzsvoru starp dorbu, sātu i saimi.


“Tys dizains i šyušona i koč kuo radeišona tys jau īt nu bierneibys, kod pa drupeišam palīk par miļzeigu hobeju, i tys hobejs izaudzs i jū jau nav, kur likt i juodūd cytim. Suoču ar taidim audumim, kū es pierku, vierūs dizainu, tagad jau te prīškā “laimis luocs” tys jau ir muns dizains i tod tūp driebeitis… Šyut es protu, pošvuiceibys ceļā cīši daudz var īsavuiceit. Muojtureibys školuotuoja, bet tī nav uzsvors iz šyušonu, i tod es Reigā “Burdā” izguoju kursus, i dabuoju diplomu kai šivieja. Pamats cīši lobs.”