Itūgod aprit 80. godadīna nu tragiskūs holokausta nūtykumu, kod nacistyskuos Vuocejis represivuos īstuodis, tūs vydā īsaistūt iteinis dzeivuotuojus, aizsuoce ebreju iznycynuošonu. Holokausta laikā tyka iznycynuota leluokuo daļa pyrmskara Latvejis ebreju, tūs vydā ari Latgolys ebreju. Itūreiz kūpā ar divejim viesturnīkim - Latvejis Universitatis Filozofejis i sociologejis instituta vodūšū pietneicu Dr. hist. Inesi Runci, kai ari Daugovpiļs Universitatis doktorantu, Latgolys Kulturviesturis muzeja viesturnīku Kasparu Strodu runuosim gon par tuo laika nūtykumim, gon ar tū saisteitū viesturiskū montuojumu šudiņ. Taipat ari par pārnejā godā aizsuoktū projektu “Sarežģītais vēsturiskais mantojums Latvijā: holokausta tūrisma vietas starp piemiņas kultūru, mūsdienu tūrisma pieprasījumu un piedāvājumu” (“Memo Tours”).