Apreļs ir Latgolai viesturiski cīšī svareigu nūtykumu laiks, kurā mes 27. aprelī svietejom ari Latgolys kongresa dīnu. Šudiņ pi myusu gostūs ir projekta “Latgaliešu kopienas līderības un piederības stiprināšana, īstenojot Latgales kongresa idejas” vadeituoja Ilga Šuplinska. Projektā, kura sauklis ir “Esi i dori” kūpumā beja paradzāti 18 pasuokumi, nu kuru daži nūtiks ituo goda aprelī: Latgalīšu volūdys forums Varakļuonu Nūvoda muzejā 19. aprelī, nūvodvuiceibys stuņdis attuolynuoti kotram školys vacumpūsmam, kai ari diskuseja “Latgalīšu volūda medejūs” Latvejis Nacionalajā bibliotekā i tīšsaistē 26. aprelī. Sarunā klausīs vaira par plānuotajom aktivitatem i tūs mierkim.