Apreļs latgalīšim koč kaidā mārā nūteikti asociejās ari ar Latgolys kongresu i Latgolys dīnu, kuru svietejam 27. aprelī. Dūmojūt par Latgolys kongresu, saprūtams, gribīs parunuot par latgalīšu volūdu, tuos aktualitati i vītu Latgolys školuos. Aiz tam itūreiz pīduovojam jums nūsaklauseit diskuseju ar diveju bārnu muoti, aktivu latgalīti, kurei savulaik kai “Latgolys Studentu centra” (LgSC) puorstuove pīsadaleja školuotuoju vosorys kursu “Vosoruošona” organiziešonā, Ilonu Ratinsku, Rēzeknis Vaļsts gimnazejis latvīšu volūdys i literaturys školuotuoju, kurei napaseņ suokuse vuiceit ari nūvodu vuiceibu, Eviku Muiznieci i Rēzeknis vaļsts pūļu gimnazejis pyrmaškolys i nūvodu vuiceibys školuotuoju ar vaira nakai desmit godu pīredzi, rēzeknīti Ingūnu Zeiļu. Runuosim par nūvodu vuiceibys vuiceišonys izaicynuojumim piļsātys školuos, bārnu interesi i gribiešonu vuiceitīs latgalīšu rokstu volūdu, kai ari ituo breiža aktualitatem i loba marketinga tryukumu latgaliskajam.