Itūgod, 27. aprelī, jau trešū godu tiks svieteita Latgolys kongresa dīna. Tuos prīškvokorā Guna Igavena beja nūbraukuse iz Rēzeknis nūvoda Drycānu pogosta „Leiceišim”, kur jau treis godus dzeivoj Ingūna Semule i Juoņs Jurčenko. Juopīzeist, ka vysod ir lela prīca vāruot, kai jauni i energiski cylvāki īkūp soys lauku sātys, audzynoj tymuos bārnus i lūloj nuokameibys sapynus. Rādā ar treis dālu audzynuošonu jaunī vacuoki voda ari bīdreibu „LOBS”, ateista sovu uzjāmumu „Puordare” i struodoj ar vītejim jaunīšim.

„Mes ite redzim īspiejis, mes kod puorsavuocem iz laukim, mums tys beja resurss.

Resurss, ar kū struoduot, ar kū peļneit. Navysod tei ir lauksaimnīceiba, ir ari turismys i tai. Tūs iteinis resursus mes raugam maksimali izmontuot. Struoduot pi tuo… Muna tei līta, par kuru es dagu, ir tuos vidis lītys, bet tys maņ nalīk pagaisynuot ari munu latgaliskū identitati voi byuteibu.”