Niule, kod kasdīnu gondreiž voi kotrys nu mums vaļstī izsludynuotuo uorkuortejuo stuovūkļa deļ organizej drupeit cytaižuok, kaidam eistyn niu ir vareiba atrast vaira laika kuo jauna īsavuiceišonai ci asūšūs zynuošonu pylnveiduošonai. Juopīzeist, ka tim, kam varātum iņteresēt latgalīšu rokstu volūdys pasavuiceišona, itymā ziņā ir pasaveics, jo škārsteiklā, kai izaruoda, ir atrūnoms vysā lels materialu daudzums, kurus var izmontuot bez moksys. Kur īsavērt škārsteikla plotumūs i kaidys olūtus īsoka izmontuot latgaliski rokstūši ļauds, par tū vaira Gunys Igavenys stuostā.