Koč ari itymā godā pīticeiguok nikai cytus godus teik svieteitys Eiropys kulturys montuojuma dīnys – pasuokumi nūtyka viņ deveņpadsmit objektūs, vys tik par byuvkulturu, kas ir ituo goda Eiropys kulturys montuojuma dīnu tema, beja vareiba kū ni vaira dazynuot ari sevkuram interesentam. 

Latvejā objektus, kas rakstuoj byuvkulturu, itymā godā izavēlēja eipaši sataiseita ekspertu komiseja. Itymā sarokstā  atrūnomys vaira nikai 30 vysaidys byuvis — Vīneibys noms Daugovpilī, Daugovpiļs cītūksnis i Rēzeknis Zaļuo sinagoga. Sinagoga ar sovu veiksmeigū restauracejis pīvadumu atkluoj na viņ tradicejuos i meistareibā baļsteitu byuvkulturu, bet ari atdora Latgolys multikulturaluos viesturis durovys. „Vacuokuo kūka muoja, kura restaurāta piec autentisku 19. g. s. tradiceju kai guļbaļču āka, bet ar sovu eipašu koloritu — ar oklajim lūgim, ar kaļva koltom noglom, ar eipašim kruosainim stiklenim spraišļūs i interjerā, ar vacū sakralū kūka ansambli, kas restaurāts, i ar myusdīneigim akcentim, kas izapauž eksterjera ekspozicejā,” stuosta Rēzeknis Zaļuos sinagogys gids Voldemārs Ivdris.