Saruna ar žurnalisti, gruomotu redaktori i sastateituoju Skaidrīti Svikšu, kura jau vaira nakai divdesmit godu ir ari profesionala tekstu ravātuoja aba korektore. Kasdīnā jei struodoj par interešu izgleiteibys školuotuoju i Rēzeknis vaļstpiļsātys dūmis kancelejis vadeituojis vītineicu.


„Piec izgleiteibys asu latvīšu volūdys filologs i taids eists korektors jau nu 1998. goda. Tys beja ūtrais kurss, studeju laiki, kod maņ teišom nabeja leidzekļu, 90. godi… Sovus studentam vajadzeigūs lateņus tūlaik peļneju i beju cīši prīceiga.”


2019. goda golā tyka izdūta Skaidreitis sastateituo gruomota „Skabardziņas”, kurā apkūpuotys raksteibys klaidys, vaira nakai divdesmit godu struodojūt ar vysaidim tekstim, i juos puodūmys – miniaturys.


„Latgalīšu volūdā mums leidz taidai gruomateņai, taidam klaidu fiksejumam, analizem mums vēļ tuols ceļš īmams. Pyrmkuort, jau mums vysim ir juoīsavuica raksteit. Vajag tū lītu vīnreiz nūkuortuot, kai runuot vajag, tai raksteit juoīsavuica.”