Pīgrīžūt viereibys sabīdreibys raksteit prasšonai latgalīšu rokstu volūdā, jau sastū reizi nūteik pasauļa diktats latgalīšu rokstu volūdā. Ituo gods diktatā akters Juoņs Krūņs (Jānis Kronis) skaiteis fragmentu nu rakstnīka i literaturzynuotnīka Valentina Lukaševiča esejis “Velologeja”.

Diktatu vari nūsaklausēt ituos nedeļis raidejumā voi nūzavērt ite,

bet pīraksteitū tekstu puorbaudēt ite:

 

 

Maņ te vīnu reizi pavaicuoja: „A ritiņs tev ir?”
Pasaceju, ka nav, i nikuo te nasamaluoju.
Eistineibā jis laikam gribēja pavaicuot, voi es braukoju ar ritini. Itūvosor četrys reizis saguoja, — spaidelieju pedalis pažīčeitim ritinim. Voi tuo ir gona, kab pasaceit, ka es braukoju ar ritini, nazynu.
Vīns zyna sešdesmit fražu svešvolūdā i roksta CV, ka zyna itū volūdu, bet ūtrys ir atbiļsteiguos volūdys bakalaurs i kosa aiz auss, voi tys atbiļst patīseibai, ka jis zyna itū volūdu.
Ka runoj itaidā redzīnī par mani i ritini, tod laikam es ar ritini nabraukoju. Saleidzynojūt sevi ar tim, kurim ritiņs ir autobusa voi televizora vītā, nimoz narunojūt par tim, kurim tys ir dāla voi sīvys vītā.
Tys, ka maņ napīder gūvs, nimoz nanūzeimoj, ka es nadzeru pīna. Tys, ka maņ nav vasarneicys, nimoz nanūzeimoj, ka guļbu kasšona maņ ir sveša līta.

 

 

 

Teksts sastateits, īvārojūt Vaļsts volūdys centra 2007. godā apstyprynuotūs Latgalīšu raksteibys nūsacejumus, kuri daeinami ite - likumi.lv.

Diktatā pīļaunama divskaņa “uo” apzeimuošona ari ar “ō”.