Daudzim ruodīs, ka vīneigais veids, kai latvīši varēja tikt Sibirī, beja deportacejis. Tai tūmār nav. Par pīmāru 19. godu symta beiguos daudz ļaužu nūbrauce iz Sibiri, kab tyktu pi breivom zemem. Ar propogandys paleidzeibu zemnīkim tyka sūleita zalta dzeive Sibirī, i daudzi nūbrauce ar vysom saimem, sev leidza pajamūt viņ pošu vajadzeiguokū i sovu volūdu.

Raidejuma vadeituojs Ēriks Zeps i muziķis Arns Slobožaņins Sibirī sasatyka ar ļaudim, kas vēļ pīmiņ sovu volūdu. I raidejumā paklaussim par jūs Sibira īspaidim i tīņuok dzeivojūšim ļaudim.

Bet pyrma Leģendu nakts nūtikšonom Laura Sondore-Strode pabie Varakļuonu pilī.