Tradicionali apreļa pādejuos breivdīnys Latgolā tyka aizvadeitys Latgolys pūdnīku dīnu nūskaņuos, tūstorp tam par gūdu, kurynojūt kūpeigū cepli, organizejūt izstuodi i cytys aktivitatis. Niu, jau ūtrū godu, ‘Covid-19’ izplateibys deļ kūpeiga saīšona itymā laikā nav īspiejama, vystik Latgolys keramiki cereigi verās iz septembra mienesi.

Keramika, Tautys lītiškuos muokslys studejis “Rēzeknes apriņķa pūdnīki” vadeituoja Andra Ušpeļa komentars par ituo goda Latgolys pūdnīku dīnu organiziešonu septembrī, kai ari ituo breiža aktualitatem i nūrisem pūdnīceibā.

Saruna ar pūdnīku, Jura Soikāna Ludzys muokslys školys pedagogu Ēriku Kudli, kurš dorbu ar muolu izjiut kai sovu aicynuojumu. Jau 27 godus jis struodoj ari ar bārnim, kas jam redzīs interesanti i nūdereigi ari pošam deļ seve.