Latgolys tradicionaluos kulturys centrs “Latgaļu sāta” Rēzeknis nūvoda Dekšuoru pogosta Madžuļūs svietej sovu 15 godu jubileju. “Latgaļu sāta” ir bīdreiba, kas popularizej tradicejis i senejūs omotus, organizej ekspedicejis i pietejumus Latgolys viesturis, etnografejis i nūvodpietnīceibys laukūs, regulari reikoj “Kūkļu dīnys” i tradicionaluos kulturys vuiceišonuos darbneicys bārnim i jaunīšim.

Bīdreibys 15 godu jubilejis svineibys “Latgaļu sātai” ar vysaidu tradicionalūs omotu i izdareibu meistarklasem teik svieteitys taišni šudiņ. Ari mes vēļ eisai pyrma svineibu “Latgaļu sātu”, kas sovu byušonu sataisejuši pyrma symta godu caltā i autentisku izskotu saglobuojušā sātā Dekšuoru pogosta Madžuļūs, bejom nūbraukuši gostūs, kab par tradicionaluos kulturys dzeivi šudiņ i iz prīšku apsarunuotu ar bīdreibys puorstuovim. “Latgaļu sātā” gasteja kolege Laura Ieviņa.