Saruna ar Pasauļa folklorys federacejis Zalta zvaigznis sajiemieju, Latvejis dižkūklis turātuoju, Biznesa kompetencis centra darbinīku, kurs struodoj ar etnoproduktu atteisteišonu, kai ari Latvīšu folklorys izruožu ansambļa dalinīku Ernestu Spīču. Kūpā ar jū sovā cīnejamā vacumā pi myusu gostūs ari muzykants Nikolajs Zaharovs.  Raudzeisim kūpā dazynuot, kas ir Latvejis dižkūkle i kur taidu var apsavērt i paspieļuot, kas ir folklorys izruožu ansamblis i kaidi ir myusu etnoprodukti. Folklora tūlaik i šudiņ.

Nikolajs kūpā ar Ernestu niu aktivi dorbojās Latvīšu folklorys izruožu ansamblī.  Ka runuot par folkloru i tuos atteisteibu Latgolā i Latvejā, kas itūšaļt vys tik viertejama ar pozitivu zeimi, Ernests Spīčs nūteikti ir cylvāks, kas sovulaik i ari šudiņ ir kluotyn asūšs daudzūs folklorys populariziešonā i atteisteišonā svareigūs procesūs.