Mameņdīnys prīškvokorā sasateikam ar rēzeknīti, treju bārnu muoti, dūlu, zeideišonys konsultanti i uzjiemieju Anitu Baltalksni. Runuosim gon par pylna laika mamys kasdīnu, gon atbolstu jaunom i ari jau pīredzejušom mameņom breidī, kod juos sasaskar ar izaicynuojumim, kai ari uzjiemiejdarbeibu i Baha zīdu terapeju. Anita izsver, ka bārnim vysu svaireiguokuo ir mīlesteiba, gon pret jim, gon saimē kūpumā. 

 

“Svareigi ir īaudzynuot mīlesteibu vīnam pret ūtru, pret apleicejim, cīnu, ari mīlesteibu pret dorbu.

I tū, maņ redzīs, mes īvuicom tikai caur tū, kū mes poši dorim. Jī redz, ka mes dorim tū, kas mums pateik. Maņ redzīs, tys ir vīns nu golvonūs prīkšnūsacejumu, kai izavēlēt nūsadorbuošonu. Kas mani aizraun, kur es asu entuziasts? Ka es tū varātum dareit ari bez moksys i ka kaids vēļ ari samoksoj par tū. Piec taida pryncypa juovaicoj dorbs. Mes caur tū sovu pīredzi raugam tū īvuiceit ari sovim bārnim."