Itūreiz aicynojam kūpa ar mums nūbraukt iz Rēzeknis nūvoda Bieržgaļa pogostu i sasatikt ar kaidu aktivu daudzbārnu saimi. Ite dzeivoj četru bārnu muote Meldra Gailāne, kura kasdīnā jau vaira nakai godu struodoj Rēzeknis bārnu bibliotekā, kai ari roksta ailis i vysa kū cytu. Sarunā pīsadola Meldra i juos jaunuokuo atlase, ostoņgadeiguo meita Irbe.

„Myusu saimē pamatvolūda vys tik ir latvīšu literaruo volūda. Kod puikys beja mozuoki, jī šod tod atguoja nu školys i praseja parunuot ar jim latgaliski. Tod mes kaidu šaļti runuojom latgaliski… Latgalīšu volūda myusu sātā ir vaira taida kai izejamuo volūda, varbyut tai varātum saceit, kura ir pasuocīņūs, gruomotuos, televizejā. Kai kasdīnys volūda dīvamžāļ, dīvamzāļ nav.”