Latgolys Kulturviesturis muzejā apsaverama izstuode ar nūsaukumu “Tikšanās” ar paguojuošo gadu symta 20. - 30. godu muokslineicu dorbim. Obejom ir muižnīku Romeru dzymtys pavuorde. Atšķireiba viņ taida, ka Anna - dzeivi pavadeja Rēzeknis apkuortnī Janapolī, bet – Sofija – Lītuvā Tītuvēnu muižā. „Abas ir radinieces, abas ir ieprecējušās Romeru dzimtā, abas ir akadēmiski izglītotas mākslinieces, bet pa dzīvi viņas tā retu reizi bija tikušās, viena par otru zināja, bet kopēju izstādi nekad nebija rīkojušas. Jā, un šoreiz sanāk tā ka starp divām valstu muzeju kolekcijām rodas tāda starptautiska izstāde. Un viņas abas divas satiekas jau ar savu radošo mantojumu,” par izstuodi soka muzeja direktore Anastasija Strauta.

Obejom rokstureigs reālisms, izteiksmeiba i puorsvorā gleznys veiduotys akvareļtehnikā. Pamatžanri ir klusuo doba, ainava i portreti. I kai soka izstuodis kuratore i Latgolys kulturviesturis muzeja muokslys nūdaļis vadeituoja Inese Dundure, gleznuojumūs var vāruot kasdīnu taidu, kaida tei beja pyrma symts godim, izzynuot par vītom, kas da myusu dīnom vaira nav sazaglobuojušs.

Pyrma symts godim muokslineicu dorbi pabejušs gon Lītuvā i Pūlejī, gon ari Francejī, Ēģiptī i pat Kanādā, kai Anna tai Sofika ari vuicejušuos pi uorzemu specialistim.

Izstuode “Tikšanās” Latgolys Kulturviesturis muzejī apsaverama da 7. novembrim.