Profesionaluo pyušamūs instrumentu orkestra “Rēzekne” saknis vaicojamys jau 50. godūs, sovpus jau 80. gadu suokumā orkestrim tyka daškierts Tautys pyutieju orkestra nūsaukums, bet vēļ piec deveņu godu, 1991.goda 14. aprelī, tyka pījimts lāmums par profesionaluo statusa daškieršonu itai muziķu vīneibai. Niu, jau septeņus godus, itys orkestris ir daļa nu Latgolys viestnīceibys GORS kolektiva, ite nūteik gon mieginojumi, gon rodūšūs ideju kaļšona iz prīšku. Itūreiz ar Latgolys viestnīceibys GORS Muokslinīcyskuos i pasuokumu nūdalis vadeituoju Ilonu Rupaini, orkestra ilggadejū vadeituoju i dirigentu Sergeju Sergejevu i ūtrū dirigentu Juoni Pavlovski runojam gon par ituo orkestra pyrmsuokumim, gon atteisteibu i tyvuokuo laika rodūšim planim. 

**********

Latgalīšu dokumentaluo kina “Laiki. Cylvāki. Volūda" caur literaturys i vieturis prizmu.

Itūreiz rubrikā literate Ligija Purinaša i viesturnīks Kaspars Strods pasavērs iz naseņ pyrmizruodipiedzeivuojušū latgalīšu dokumentalū kinu “Laiki. Cylvāki. Volūda" caur literaturys i vieturis prizmu.

Kinys režisors i producents ir Arņs Slobožanins, sovpus idejis autors i leidzproducents ir ASV dzeivojūšais latgalīts, mecenats Pīters Aloizs Ragaušs. Pi video, skanis i montažys struoduoja Ivars Utināns. Taipat kinā dzierdami ari vairuoku viesturnīku i volūdnīku – Henriha Soma, Valentina Lukaševiča, Lidijis Leikumys i Valtera Ščerbinska – komentari.