Latvejis Republikys proklamiešonys godadīnys prīškvokorā klausitēs Laurys Sondoris-Strodis sarunu ar Zemissardzis 3. Latgolys brigadis komanderi, pulkvežleitnantu Gunāru Vizuli. Runuosim par patriotismu, zemissorgu kasdīnu, izaicynojumim i atteisteibu.

„Nūteikti tai var apgolvuot, ka Latvejis zemissorgi ir vīni nu patriotiskuokim Latvejis dzeivuotuojim, bet Latvejis vaļsts vierteiba ir vysu cylvāku kūpums... Īsastuot zemissardzē – tys ir kotra individa breivpruoteigs lāmums. Daudzi nu tim, itū dora, kab puorbaudeitu sovys fiziskuos i gareiguos spiejis.”

 

***

Sižetā Ausma Sprukte stuosteis par Latgolys kulturviesturis muzeja izdūtū gruomotu „Ņem, Tēvzeme, Tavs esmu viss”. Tei izdūta, gūdynojūt Rēzeknis 9. Kuojinīku pulka 100. godadīnu. Kai izsver viesturnīks i vīns nu gruomotys autoru Kaspars Strods, tod itys pulks sovulaik ir bejs cīši nūzeimeigs i sabīdriski aktivs.

 

***

Sovpus vuordineicā Ilze Sperga i Arņs Slobožanins stuosteis par vuordu “sātmaļs, statiņs”. Kai tu dūmoj, ci vysi žūgi ir statini?