Mokšaruošona zam lada — tei ir na viņ pateikama laika pavadeišona, bet ari dzeivisveids. Itymā reizē Ausmys Spruktis sižetā varēsim dazynuot vaira par mokšoruotuoju pīredzis stuostim, kai ari lykumim, kū obligati juoīvāroj iz azaru zīmys laikā.

Dobys aizsardzeibys puorvaļdis vacuokais specialists Daiņs Tučs stuosta, ka niu lada bīzums iz Rāznys azara ir pīteikams, kab iz tuo kuopt viersā, vys tik sevkurā šaltī — vyss var izamaineit.

Leidz laikam īt ari mokšoruošona zam lada, ari tamā niu var izmontuot vysaiduokys jaunuos tehnologejis. Daiņs Tučs izsver, ka pādejūs godūs puorkuopumu skaits mokšoruošonā zam lada sasamazynoj, svareigi atsacerēt, ka niu vīnā reizē leidza iz azara var jimt viņ divejus reikus, par pīmāru, vīnu mokšori i vīnu ūdu. Kotru godu mokšornīki sasateik saceņseibyos, tyvuokuos nu tūs — Latvejis čempionata 2. pūsms byus jau piec nedelis 29. janvarī Jākubpiļs pusē.