Viesturis rubrikā viesturnīks Kaspars Strods īsavērs Rēzeknis tyltu liktiņūs storpkaru periodā. Jau nu seneju laiku tylti Rēzekne ir bejs nūzeimeigs prīšknūsacejums, kaba piļsāta varātum atsateisteit. Tī atvīgluoja gon vītejūs dzeivuotuoju, gon gostu puorsavītuošonu nu vīnys piļsātys dalis iz ūtru. Vīns nu pyrmūs tyltu, kuru Rēzeknē izbyuvēja 19. godu symtā, beja  vacais kūka tylts aba šosejis tylts Atbreivuošonys alejā, kas kolpuoja kai byutiskys objekts šosejis Varšova-Sankpīterburga vajadzeibom. Piečuok, piec tuo atjaunuošonys 1927. goda vosorā, tys kliva ari par vīnu nu modernuokūs dzeļžabetona tyltu vysā Latvejā.