“Ite nav nikaida pasauļa mola, mums te ir centrs! I iz vysaidom pasauļa molom mes poši braucam sovūs ceļuojumūs.”

Ari itūgod raidejuma “Kolnasāta” rodūšuo komanda turpynoj dūtīs “Suprātkuos” iz Latgolys regiona pogostim, kab kluotīnē sasatikt ar vītejim ļaudim i runot par iteinis aktualitatem, volūdys sovpateibom, vīvuordim, vītejū ļaužu nūsadorbuošonu i dazynuot – deļkuo ite ir labi dzeivuot.

Itūreiz asom Kruoslovys nūvoda Izvolta pogostā, kas atsarūn viņ 12 km nu nūvoda centra Kruoslovys. Sarunā, kas nūteik vītejā tautys nomā, pīsadola ostonis kuņdzis – Izvolta tautys noma vadeituoja Anastasija Platace, Izvolta folklorys kūpys "Izvoltīši" vadeituoja Anda Leikuma, folklorys kūpys "Izvoltīši" dalineica Aija Japiņa, vītejuos pamatškolys vadeituoja Zenta Gaveika, muojsaimineica Laila Jakovļeva, školuoja i vītejuos buoriņtīsys darbineica Irēna Delvere, muojsaimineica Ilona Krīviņa, folklorys kūpys "Izvoltīši" dalineica i zemnīku saimisteibys saimineica Sandra Stivriņa.