Suprātkys Turkūs

Turpynojūt tradiceju braukt „Suprātkuos” aba iz vakariešonu, itūreiz gastejom Leivuona nūvoda Turkūs.

Ogruok Turku vīta ir bejuse Gavartīne, kas dalejuos divuos daļuos – syltuo Gavartīne beja iz Leivuona pusi, a soltuo Gavartīne iz Turku pusi, i Gaiņu pūrs ītekmej tū syltumu i soltumu. Kai turki tyka da Gavartīnei, i kai pasamaineja vītys nūsaukums iz Turkim, sarunā stuosta poši turcīši kai par viesturi, tai par dzeivi vītejā kūpīnā, i par volūdu.

Sarunā pīsadola folkloras kūpys „Turki” ilggadejuo vadeituoja Terēzija Rubene i daleibnīki – Valda Pūcīte, Žanna Vilcāne, Ingrīda Smelcere, Skaidrīte Saulīte, Jānis Māsāns, Jānis Daugavietis, Guntis Brūvers, kai ari vītejais zemnīks Aigars Grugulis i bibleotekare Rita Grugule.

Jānis sprīž, ka niu Turku pusē „daudzim tai ir – vysi var padzīduot latgaliski daudz i labi, a ar runuošonu… deļ tuo ka puormuoceiti.” Skaidrīte, kura Turkūs īsapreciejuse, soka, ka ituos pusis

„izruna izaklausa taida leigona i dzīdūša.”

Turku folklorys kūpa „Turki” ir ilggadeji folklorys festivala Baltica daleibnīki, kuri runuošonai pa vydu saspielej i sadzīdoj.