Sarunā ar tekstilmuokslineicu Leontīni Pīguozni, kurei ir ari muokslinīka, ainovu gleznuotuoja Jāzepa Pīguožņa atraitne, runuosim par juos latgaliskajom saknem, kūpš 2015. goda īdybynuotū J. Pīguožņa vuordā nūsauktū bolvu ainovu gleznīceibā, kai ari Latgolu šudiņ, vārojūt tū nu Reigys. 

"Latvīšu muokslai rakstureigs tys, ka mums ir skaists kolorits. Mums ir cīši lobs kolorits. Es grybātum saceit, ka ite mes saeimom kūpā ar tradicionalū tekstilmuokslu, ar skaistajim Latgolys dečim, ar breineigajim Vidzemis šaiera dečim. Tys i tys, kas myus vīnoj. Īspiejams, ka tys ari myusu genus ir audzynuojs taidus, kaidi nu jī mums ir."