1939. gods zīmys beiguos i pavasarī Latgolu puoršaļce trauksmainys viests. Byudami naapmīrynuoti ar Kārļa Uļmana autoritaruo režima politiku, Latgolys inteligencis puorstuovi i studenti dybynuoja grupiejumu „Latgolys dzeļža legionaru sainis”. Izdeve nalegalu gazetu i pat īsadrūsynuoja aizsyuteit ultimatu valdeibai: „Voi nu izpiļdit latgalīšu praseibys, voi ari mes paturim tīseibys pasludynuot autonomeju!” Ituos reizis viesturis rubrikā viesturis doktorants Arņs Slobožanins atsaver iz 1939. gods nūtykumim, bolstūtīs iz Latvejis Vaļsts viesturis i Vatikana apustuliskuo arhiva materialu, kai ari iz Valtera Ščerbinska pietejumu.