Šudiņ pi myusu gostūs ir vīna nu pyrmūs sīvīšu folklorys kapelu Latgolā, kas muzicej vaira nakai 20 godu — Viļānu kulturys noma kapela „Bumburneicys”. Tymā apsavīnuojušys vejūļneica Inga Stafecka, ceitara spālātuoja Biruta Vigupe, bundzineica Margarita Cakula i akordeoniste, kapelys vadeituoja Vivita Skurule.


Novembra golā “Bumburneicys” izdave sovu pyrmū albumu, kas tai i nūsaukts — “Bumburneicys”. Albumā īkļautys tautysdzīsmis, rūtalis, ziņgis i autordzīsmis, kūpā 13 skaņdorbi. Kotrai dzīsmis izvēlei ir sovs stuosts. Tymā īdzīduota ari Pītera Jurciņa dzīsme “Vienu pašu naksniņu”, kas skaniejuse filmā “Limuzīns Jāņu nakts krāsā”.


Runuosim par jaunū albumu, muziciešonu kūpā i atseviški, īdviesmis olūtim i planim iz prīšku.