Rēzeknis nūvoda vokaluo studeja “Skonai”, kurys dybynuotuoja i muokslinīcyskuo vadeituoja ir dzīduotuoja, pedagoge Guntra Kuzmina-Jukna itūgod sviņ 10 godu jubileju.  Aptyvai 80 % “Skonai” repertuara ir latgaliski i  daudzi bārni taišni ite pyrmū reizi suoc dzīduot latgaliski. Kūpuma Skonai 'saimē' dorbojās četrys grupys, kuruos pamatā muzicej Rēzeknis nūvoda bārni i jaunīši, kurim pateik dzīduot.

Kūpā ar Guntru i studejis dalinīkim Ģirtu Ločmeli, Lauru Svikšu i Lauru Doropuļsku runuosim par studejis aizsuokumim, darbeibu tūlaik i niu, kai arī tū, kas jūs ite pīsaista i nūtur, kai arī izaicynuojumim iz prīšku.

Rēzeknis nūvoda vokaluos studejis “Skonai” 10 godu jubileja koncerts “10 atbolsūs” jau 10. junī, sešuos stuņdēs vokora Latgolys viestnīceibys GORS Lelajā zālē. Koncertā skaneis kai zynomys dzīsmis, tai ari jauni skaņdorbi, kū dzīduos i mozuos grupys, i vacuokuos.