Rubrikā „Zemis suoļs” žurnaliste Maruta Latkovksa itūreiz stuosteis par vysaidim putynu i ‘naputynu’ latgaliskajim nūsaukumim.

Starks Latgolā – žugure, bacjans, gandrys, poļaks, kalests, klikuns.

Zivi sapalu Bieržgaļa pusē sauc par napadzārni, plici Aulejā sauc par plikšni, ruduli Latgolā daudzvīt sauc par rudusi, karūsa par karasi, kugri i kiuri.

Ierglis mums ir erieļs. Meža pyucei mums ir vairuoki vuordi – peliede, peline i palāda, sovpus kīveiti saucam ari par kīvisti, kūvuorni par skūsvuorni, čāgu i čāguonu, zvierbuļš ir ari žeigurs i žveigurs, svilpis saukts ari par svuopuli i gili, ķaukis par čirku, a kivulis parčyžyks, bezdeleiga par arleigu, a meža bolūds par iubuli. Meža peilei daškierts skaneigais raudivis, raudiveitis vuords. Sātys strods saukts ari par špagu i špoku.  Cukra visteņu sauc par cacarku. Paipala – putpele i putpalādu. Tītaru Latgolā sauc par indyku i kurkynu. Sātys peili Aulejis pusē sauc ari par kačku.