Oktobra beiguos ar īspaidegom kūka skulpturom "Oduma meitys" Odumovys azara krastā natuoli nu Rēzeknis Latgolys sabīdreibai sevi pīsaceja arhitekts Ints Pujāts. Pats muokslinīks soka, ka skulpturys ir veļtejums tim, kuri aizbraukuši paceli nu Latgolys, Oduma meitys ir kai gaismys simbols ceļam iz sātu.

Ar Intu sasateikam eisi pyrma vaļsts svātku i arhitekts stuosta na viņ par "Oduma meitom", bet ari par planim iz prīšku sovā tāva sātā, kur kūpā ar dālu Paulu grib organizēt vingruošonys nūdarbeibys.

Ints Pujāts aicynoj 18. novembrī īdegt sveiceiti lūgā par tim, kuri aizceļuojuši pasaulī, lai tei ir gaisma atsagrīzšonai Latvejā.