Ituo goda beiguos nusaslēgs deinstitucionalizācijas procesa pūsms, kas nūzeimej taidu pakolpuojumu sistemys izveiduošona, kur cylvākim ar gareigim i bārnim ar funkcionalim trauciejumim pošvaļdeibuos snīdz atbolstu, kab jī varātu dzeivuot gimeniskā vidē.

Nu 2016.goda pošvaļdeibuos pīduovuoti vairuoki atbolsta pasuokumi cylvākim ar gareigim i bārnim ar funkcionalim trauciejumim – gon rehabilitaceja, gon eislaiceigys apryupis īspieja jeb tai sauktuos “atelpyss breiža” vītys, gon ari izveidota infrastruktura – tymā skaitā grupu dzeivūkļi. Itū ostoņu godu laikā izdavumus par snīgtajim pakolpuojumim kompensēje nu Eirūpys Savīneibys (ES) fondu leidzeklim. Kas tod Latgolā itū godu gaitā cylvākim ar gareigim i bārnim ar funkcionalim trauciejumim ir izdareits i kai īsuoktī dorbi nuokūtnē turpynuosīs, kod Eirūpys naudys vaira nabyus pīejamys, par tū  runojam ar procesā īsasteitajim socialuos nūzaris vadeituojim - Rēzeknis nūvoda Socialuo dīnasta vadeituoju Silviju Strankali, Rēzeknis vaļstspiļsātys Socialuo dīnasta vadeituoju Gunāru Arbidānu, Augšdaugovys nūvoda Socialuo dīnasta vadeituoju Annu Jegorovu, Deinstitucionalizacejis projekta Latgolā vadeituoju  Ināru Krūtkrāmeli, Labkluojeibys ministrejis Socialū pakolpuojumu i invaliditatis politikys departamenta direktoru Aldis Dūdiņš.