Nu 2024. gods kotrā pošvaļdeibā byus juobyut pošvaļdeibys policejai. Niu Latgolā kotrā nūvodā drūšeibys i kuorteibys vaicuojums teik rysynuots pa sovam. Par pīmāru, Rēzeknis vaļstspiļsātā pošvaļdeibys policeja sovulaik tyka likvidāta i niu dorbojās administrativuo inspekceja, cikom Daugovpiļs vaļstspiļsātā pošvaļdeibys policejā struodoj vysā aktivi. Tai sauktajūs lauku nūvodūs situaceja ir kotrā psa sovam – Rēzeknis nūvodā sataiseita administrativuo inspekceja, bet lelajā Augšdaugovys nūvodā nav nikuo, sovpus jaunizveiduotais Ludzys nūvods tikū kai pošvaļdeibys policeju ir atjaunuojs.
Cik drūši varim justīs, dzeivojūt sovā pošvaļdeibā, pogostā voi piļsātā, i kū nūzeimoj sataiseit pošvaļdeibys policeju, par tū runojam ar Rēzeknis nūvoda prīšksādātuoja vītineicu Ēriku Teirumnieku (NA), Augšdaugovys nūvoda izpiļddirektoru Pēteri Dzalbu, Ludzys nūvoda prīšksādātuoja vītineicu Ināru Silicku, kai ari Vaļsts policejis Golvonuos kuorteibys policejis puorvaļdis prīšknīka vītinīku Ansi Pumpuru.