Šudiņ raidejumā dūsimēs iz Latvejis ūtrū leluokū piļsātu Daugovpili, kur pyrma napylnu treis mienešu piļsātys mēra krāslu ījieme jauns dūmis prīšksādātuojs – sovulaik Daugovpiļs Komunaluos saimisteibys puorvaļdis tehniskuos dalis vadeituojs, vāluok dūmis prīšksādātuoja pyrmais vītinīks 34 godus vacais Igors Prelatovs nu partejis “MŪSU PARTIJA”.
Dūmis prīšksādātuoja omotu Igors Prelatovs ījieme ar 11 nu 12 tūlaik sēdē kluotasūšūs Daugovpiļs dūmis deputatu bolsu, i kur ar sovu bolsu bolsuojumā napīsadaleja nu omota puora nedeļu īprīšk guoztais mērs Andrejs Elksniņš nu partejis “Saskaņa”.
Juoizsver, ka Daugovpiļs piļsātys mēra krāslys saiminīku tikai ituo vīna sasaukuma laikā mainejs jau četrys reizis. Par reizi piec īvieliešonys Igors Prelatovs par sovys darbeibys prioritatem nūsauce izsuoktū projektu realizaceju, kas saisteiti ar piļsātys atteisteibu.
Raidejumā pīduovojam sarunu ar Igoru Prelatovu par juo Daugovpiļs piļsātys atteisteibys redzīni, byutiskuokajim padoramajim dorbim i projektim.

 

Latgolys stuņdē kai īrosts ari aizvadeituos nedelis aktualitatis i gaidomī kulturys dzeivis nūtykumi.

Īsaklausi! Raidam latgaliski!