Jau 1. novembrī svineigū zvārastu dūs jaunīvālātī 14. Saeimys deputati, tūs vydā vysā daudzi byus ari taidu, kas Saeimas deputata vītu ījims pyrmū reizi, bet Latgolys regionā vysā puorlīcynūši uzvarejušuo parteja vysatycamuok vys tik struoduos opozicejā.
Latgolā itamuos 14. Saeimys vieliešonuos pīsadaleja vaira nakai 57 % nu bolsstīseigūs, kas, saleidzynojūt ar īprīškejom Saeimys vieliešonom, ir par 14 % vaira . Regionā ar 18,56 % lelu atbolstu uzvarieja parteja „Stabilitātei!”. Ūtrajā vītā Latgolā palyka „Zaļo un Zemnieku savienība” (14,54 %), bet trešajā vītā Latgolā – „Saskaņa” (11,47 %) , kura vaļstī napuorvarēja 5 % barjeru. Vaļstī uzvarējušo „Jaunā Vienotība” (6,97 %) Latgolā palyka pīktajā vītā.
Kai poši jaunīvālātī deputati nu Latgolys viertej vieliešonu rezultatus, kai plānoj sasadorbuot Saeimā, kū dūmoj par jauna ministra posteņa taiseišonu i cytim vaicuojumim, par tū itūreiz saruna ar Annu Rancāni, kura 14. Saeimā īvālāta nu „Jaunā Vienotība” i pyrmū reizi uzajims deputata pīnuokumus, Leilu Rasimu nu "PROGRESĪVIE", kurai ari itei byus debeja Saeimys deputatis dorbā, Juri Viļumu, kurs Saeimā atsagrīzs ar „APVIENOTAIS SARAKSTS”, Edmundu Teirumnīku, kurs ari jaunajā Saeimā puorstuovēs Latgolu „NACIONĀLĀ APVIENĪBA” sastuovā, kai ari Kasparu Melni, kurs pyrmū reizi īvālāts Saeimā nu „Zaļo un Zemnieku savienība” saroksta.
Ieteikt
Latvijas Radio aicina izteikt savu viedokli par raidījumā dzirdēto un atbalsta diskusijas klausītāju starpā, tomēr patur tiesības dzēst komentārus, kas pārkāpj cieņpilnas attieksmes un ētiskas rīcības robežas.
Pievienot komentāru
Pievienot atbildi
Lai komentētu, ienāc arī ar savu draugiem.lv, Facebook vai Twitter profilu!
Draugiem.lv Facebook Twitter