Piec izmaiņom vaļdeibā 14. Saeimys deputatu pylnvarys apstyprynuotys devenim jaunim deputatim. Ari divejim nu Latgolys vieleišonu apgobola īvālātim deputatim. Iz laiku, cikom Īšklītu ministra omotā byus Rihards Kozlovskis nu Jaunuos Vīnuoteibys, Saeimā deputata pīnuokumus piļdeis Alīna Gendele, bet cikom Kaspars Melnis nu Zaļūs i Zemnīku savīneibys byus Klimata i energetikys ministrys, juo vītu Saeimā ījims Valdis Maslovskis.

Kai Alīna Gendele (Jaunā vienotība), tai Valdis Maslovskis (Zaļo un Zemnieku savienība) ir nu vīna nūvoda – Ludzys nūvoda. Valdis Maslovskis ir jurists, da šam ir struoduojs Vaļsts rūbežsardzē i bejs ari Ludzas nūvoda dūmis prīšksādātuoja vītinīks, sovpus Alīna Gendele pedagoge, bejuse Ludzys nūvoda prīšksādātuoja, Kaunatys vydsškolys direktore, i ari 13. Saeimys deputate.
Raidejuma sarunā plotuok par tū, kū eistyn nūzeimoj jiedzīņs “deputats iz laiku”, kū deputati, kas īvālāti iz laiku, cer izdareit Saeimā, kaidi ir jūs mierki i politiskī redzīni.