Kab veicynuotu izpratni par vysu veidu mežu nūzeimi, 21. martā pasaulī teik atzeimuota Storptautyskuo meža dīna. Ituo goda meža dīnys tema ir “Meži – ilgtspiejeiga ražuošona i patiereņš”. Pasaulī, pasamejūt geopolitiskajai situacejai, pasamej ari energoresursu cenys, deļtuo itūreiz runojam par sovim resursim ite, iz vītys Latvejā, Latgolā. I taišni mežs ir vīns nu byutiskuokūs myusu resursu.

Sarunā par ilgtspiejeigu mežu apsaimnīkuošonu i patiereņu pīsadola Aleksandrs Lubāns, Vaļsts meža dīnasta Austrumlatgolys viersmežnīceibys viermežziņa vītinīks, Jānis Staris, AS “Latvijas Finieris” padūmis lūceklis i Daiga Ancāne, AS “Latvijas valsts meži” Dīnavydlatgolys regiona meža apsaimnīkuošonys planavuošonys vadeituoja.